عدد المساهمات : 319 نقاط : 6162 السٌّمعَة : 0 تاريخ التسجيل : 30/08/2009 العمر : 37 الموقع : شبكة اخبار الوطن
موضوع: الفرق بين الزوجة الفلسطينية و الزوجة السوريا....؟ الجمعة سبتمبر 04, 2009 5:59 pm
بسم الله الرحمن الرحيم اقدم لكم فرق واضح وطبيعي بين الزوجة الفلسطينية و الزوجة السوريا: ويا رب الكلام على الزوجة الفلسطينية يكون مو صحيح(امــــيـــــن) وسوف يتضح الفرق بينهما في المواقف التالية: اذا وقع زوجها عن الدرج:
السوريه : ولي على آمتي، سلامتك حبيبي أنشاء الله ، انا ولا انت ابن عمي ( ميته خوف عليه ) ..الفلسطينية : شو مالك دخت ؟؟ الله ما برمي الناس بحجار خطيتى الله لا يردك .. إذا الزوج بدو يسافر: السوريه : إنتبه لنفسك ابن عمي، جهزتلك الشنطه، كتّر خيرك على الاغراض اللى اشتريتها، بيكفوا سنه الله لايحرمنا من دخلتك علينا،ولي على آمتي، تروح وترجع بألف سلامه.. الفلسطينية :أسبوع مبّوزة قبل السفر، وكل شوي دموع، ومتى بدك تروح؟؟ ومع مين بدك تطلع هناك آه ؟؟ مش تتطلّع عالبنات !! إحلف إنك مش رايح تروح على أماكن فيها بنات!! ما تتأخر بلاش ينقصنا إشي وإنت مسافر.. وكل يوم بتتصل بالتلفون عشان تشوف وينك و تحكيلك إنه الولد سخن، وبنتك بدها تموت، كل المصايب بتقلك ياها بتلاحقك فيها وين ما تروح ( هوايتها نكد ).. إذا الزوج تأخر برا فى الشغل او مع صديق: السورية : شو إبن عمي !! غلي قلبي عليك تقبشني يا حق وكثير شغلتلي بالي، تقبرني ما تتأخر عليي كثير مره تانيه عشان بشتقلك أنا ( يقبرني دلع الشام ).. الفلسطينية : شرّفت !! وين كاين؟؟ مهو أنا كاينه حيوانه في الدار، طول نهاري أكنس و أمسح !! مع مين من أصحابك الهُمّل كايِن تتصرمح ؟؟ إيش جبتلنا معاك ؟؟ولا جاي إيد قدّام وإيد ورا، كويّس عرفت إلك دار وروّحت ( لا تعليق ) .. إذا طلبت شى منه : السورية : إبن عمـــــــــي تقبشني تقبر قلبي ( كله تقبــر) حبيب قلبي فيك تجيبلنا شي حلو من دياتك الحلوه وعلى زوقك شو بعشق زوقك أنا ياحياتي.. الفلسطينية : إغلط مرة وجبلك شغله حلوه معك بقلاوه ولا كنافه بدي أحلي تمّّّّّّي إللي مرمر من هالعيشة إللي بتقرّف ( هاى طخها حلال ).. إذا جبلها هدية : السورية : يسلّملي إياك ابن عمي حبيب قلبي، يااااااي شو بتجنن عنجد عنجد زوقك بيعقّد تقبشني بتجنننننننننن الله لايحرمنى منك يا عمري.. الفلسطينية : والله غاب وجاب، وياما جاب الغراب لمه، من وين جايبها وقديش حقها هاي، الله يقطع هيك ذوق مش لو جبتلنا طبخة للدّار أحسن ( حسبي الله ).. اذا بدك شي منها : السورية : من عيونى إبن عمى تقبرنى بتؤمر أمر إبن عمى ولووو غالى والطلب رخيص، شو بعبد سماك انا دخيلو انا شو بحبووو على راسى حبيب قلبي.. الفلسطينية : مهو حرام نستريح شوي، لازم حياتي تظل تعب ونكد، هو فش غيرك فى الدّار؟ مش فاضية، ولا أقلك إطلع من الدار حل عنّا روح شفلك شغله سوّيها، فقعت مرارتى من شغل البيت اففففف اففففف.. لو طلبت منها فنجان قهوة : السورية : من عيونى إبن عمى، أحلى فنجان بن من ديّاتى يستاهل تمك، وبدياتى راح شربك كمان، تعبك راحة إبن عمي، ما في أغلى منك حبيب قلبي.. ( تخيل فنجان القهوة بس ) الفلسطينية : بدك قهوة ؟؟ هي إخوانك مرميين فى الحوش روح إشرب معهم، ولا أقلك روح عندإمك بتعملك، أترك شغلي وأعملك قهوة؟؟ هادا اللى ناقص، ياااا رب موتني وخلصني من هالعيشة اللى بتقرّف ( كل هادا علشان فنجان قهوة ريتو سم ياشيخة ) .. اذا حكالها (بدك شي؟؟) وهو طالع : السورية :- تسلملى حبيب قلبي إبن عمى، مابدي غير سلامتك مكفينى من كل شى مو ناقصنى شى تسلملى ياحق بس حبيب قلبى ما تتأخر كثير بشتقلك أنا إبن عمي، بدك أعملك شى لمن ترجع؟؟ ( بتكون غبى لو طلعت وتركتها ).. الفلسطينية : لأأأأ (مع تبويزه طولها شبرين).. بديش إشي، وين بدك تروح؟؟ ومع مين بدك تقعد؟؟ انشاءلله بتطوّل وبتخلّيني لحالي زي الهبله، ولا أحكيلك، جيب معاك حفاظات للولد وإنت جاي.. الذوق والتنويع فى الاكل: السورية : سلطات، تبولة، فتوش، محاشى، شوربات، كبه بأنواعها، محمّر، مشمّر، يعني سفرة عامرة من كلّه، والله لو ماعندها بقدونس راح تعملك تبولة هههههههههه بيكفى انها راح تقعد جنبك وتفتح نفسك على الأكل، بتحكيلك عجبوك إبن عمى دوق هاي من إيدي، طيب كمان هاي دوقها وقلي شو رأيك، طيب هاي كمان وحياتي عندك لتاكلها من إيدي إبن عمى نفسك بشي وماعملته ؟؟ صحتين على قلبك إبن عمي.. الفلسطينية : لو عندها كل أنواع الخضار، والثلاجه مليانه اغراض ولحمه وسمك، هو هو فش غيره طبيخ( عدس ) أنا بعاني منو يا شباب هالعدس هاد هههههههه مقلوبة أو ملوخيه أو فريكه، وإذا غلبت حالها صينيه بالفرن، هذا إذا كنت محظوظ و ما حكتلك فش بندوره و خيار روح إشتري، أو خلص الغاز في نص الطبخه، روح جيب غاز إذا بدك توكل. طبعا" بوزها عالسُّفره شبرين، وبتبلّش ضرب بالولد عشان كب الصحن، و حديثها بيكون كالتالي: اليوم إجت فواتير الكهربا والمي، متى بدك تدفعهم ؟؟ اليوم انكسرت إيد الحنفية وأنا بجلي، روح جيب المواسرجي يصلحها بس تخلّص أكل، إبنك بدو عشرين ليره يشتري كندره.. وأهم إشي: بس تخلّص أكل ودّيني عند أهلي، طلعت روحي طول اليوم فى المطبخ ( يعني عاملة الغنايم ما شالله ) .. خليها تروح يمكن تنفتح نفسك وتاكل زي الخلق.. بس للعلم مش كلهن هيك" الناس اجناس" هي نسبة ال بيعملوا هيك كثار بس المهم إنت ونصيبك ههههههههههههههه ههههه ..
الجمعة سبتمبر 04, 2009 5:59 pm
